माध्यमिक शिक्षण विभागातील सर्व कारभार आता ऑनलाईन..
सोलापूर : आखाती युद्धाच्या पार्श्वभूमीवर पंतप्रधान नरेंद्र मोदी यांनी संभाव्य इंधन टंचाई रोखण्यासाठी आवश्यक असेल तरच वाहनाचा वापर करा असे आवाहन केले होते. त्यास प्रतिसाद देत माध्यमिक शिक्षण विभागाने कार्यालयाचा कारभार ऑनलाईन केला आहे. त्यामुळे यापुढे शिक्षक व शिक्षकेतर कर्मचाऱ्यांना माध्यमिक शिक्षण कार्यालयात येण्याचे गरज नाही. गरजेच्या कामासाठी संबंधित तालुक्यातील गटशिक्षण अधिकाऱ्यांकडे शिक्षकांनी अर्ज सादर करावेत असे आवाहन माध्यमिक शिक्षणाधिकारी सचिन जगताप यांनी केले आहे.
सोने खरेदी टाळणे, पेट्रोल व डिझेलचा वापर कमी करुन सार्वजनिक वाहतूक व्यवस्थेचा उपयोग करणे. खादयतेलाचा वापर कमी करणे रासायनिक खतावरील अवलंबिता कमी करुन नैसर्गिक शेती करणे स्वदेशी उत्पादनाचा वापर वाढविणे व परदेश दौरे टाळणे यासंदर्भात पंतप्रधान नरेंद्र मोदी यांनी देशातील जनतेला आवाहन केले आहे. या विषयास अनुसरुन शासन निर्णयानुसार शिक्षणाधिकारी जगताप यांनी शिक्षक व पालक, विदयार्थी व सर्वसाधारण नागरिक यांनी आपल्या कोणत्याही कामासाठी कार्यालयात येण्याची आवश्यता नाही.
या कार्यालयाचा ई मेल eosecsol२०२१@gmail.com या मेल आयडीवर तसेच उपशिक्षणाधिकारी विठठल ढेपे- माळशिरस, पंढरपूर, करमाळा, उत्तर सोलापूर, शिक्षणाधिकारी सुरेश वाघमारे – अक्कलकोट, बार्शी, खूप शिक्षणाधिकारी प्रकाश नांगरे – मंगळवेढा,दक्षिण सोलापूर – मोहोळ, माढा यांचा उपरोक्त भ्रमणध्वनीवर व्हाट्सअप व्दारे आपले प्रस्ताव सादर करावेत असे आवाहन केले आहेमाध्यमिक शिक्षण विभाग कार्यालयात अनेक तक्रारोच्या अनुषंगाने सुनावण्या आयोजित केल्या जातात यापुढे या सुनावण्या दर मंगळवारी ऑनलाईन प्रणालीद्वारे घेण्यात येतील यामध्ये अभ्यागतांनी आपले म्हणणे ई मेलवर सादर करावे व दिलेल्या लिंक वर जॉईन व्हावे.
शासन निर्णय दि. २९ एप्रिल २०२२ नुसार शिक्षक संवाद दिन आयोजित करणे बाबत सुचित केले आहे. दर महिन्याच्या दुत्तऱ्या व चौथ्या गुरुवारी हा शिक्षक संवाद ऑनलाईन पध्दतीने आयोजित करण्यात येईल अभ्यागतांनी आपले प्रस्ताव व तक्रारी दुसऱ्या व चौथ्या गुरुवारी सायंकाळी ५.०० वाजेपर्यंत कार्यालयाच्या ई मेलवर सादर कराव्यात व दिलेल्या लिंकवर ऑनलाईन ज्वाईन व्हावे आवाहन करण्यात आले आहे.
