सोलापूर, : लोकसंवाद २०२६ या उपक्रमांतर्गत जुळे सोलापूर येथील ओम गर्जना युवा शक्ती सामाजिक व सांस्कृतिक गणेशोत्सव मंडळातील गणेश भक्तांना शासकीय योजनांची माहिती देण्यात आली. यावेळी महात्मा फुले जन आरोग्य योजना तसेच कौशल्य विकास विभागामार्फत राबविण्यात येणाऱ्या विविध योजनांची सविस्तर माहिती देण्यात आली. महात्मा फुले जन आरोग्य योजनेचे जिल्हा समन्वयक प्रवीण गुंजाळ यांनी या योजनेअंतर्गत सर्वसामान्य नागरिकांसाठी पाच लाख रुपयांपर्यंत उपचार मोफत असून सोलापूर शहरातील २२ रुग्णालयांमध्ये ही सेवा उपलब्ध असल्याचे सांगितले. तसेच आयुष्मान भारत कार्ड काढण्यासाठी लागणाऱ्या कागदपत्रांची माहिती त्यांनी दिली.
कौशल्य विकास व उद्योजकता विभागाच्या सहाय्यक आयुक्त नविनता श्रीमती संगीता खंदारे यांनी शासनाच्या कौशल्य विभागामार्फत रोजगार निर्मितीसाठी राबविण्यात येत असलेल्या विविध योजनांची माहिती दिली. विविध रोजगार मेळाव्यांच्या माध्यमातून रोजगार उपलब्ध करून देण्यात येत असल्याचेही त्यांनी सांगितले. प्रधानमंत्री स्वनिधी योजना तसेच महिला बचत गटाविषयी सविस्तर माहिती महापालिकेचे समन्वयक समीर मुलानी यांनी दिली. प्रारंभी माहिती कार्यालयाचे वरिष्ठ लिपिक मिलिंद भिंगारे यांनी लोकसंवाद उपक्रमाचा उद्देश सांगितला. तसेच कार्यक्रमाचे सूत्रसंचालन ही केले.
यावेळी ओम गर्जना गणेश मंडळाचे अध्यक्ष श्याम शिवराम धुरी, सचिव अंबादास कृष्णात पांढरे, खजिनदार संगमेश्वर सातलगावकर, सदस्य सौ. अर्चना जमादार, वसंत धोत्रे, शशिकांत जमादार आदी पदाधिकारी व लहान-मोठे गणेश भक्त मोठ्या संख्येने उपस्थित होते.
