सोलापूर : यशोधन नागरी सहकारी पतसंस्था मर्या., सोलापूर या संस्थेच्या चेअरमनपदी काशिनाथ पुजारी तर व्हाईस चेअरमनपदी अरबाज मुल्ला यांची बिनविरोध निवड करण्यात आली. या निवडीमुळे संस्थेच्या पुढील वाटचालीस नवे नेतृत्व लाभले आहे. निवडणूक निर्णय अधिकारी स्वप्निल व्हट्टे यांच्या अध्यक्षतेखाली नूतन संचालक मंडळाची बैठक पार पडली. या बैठकीत चेअरमनपदासाठी काशिनाथ पुजारी तर व्हाईस चेअरमनपदासाठी अरबाज मुल्ला यांचे अर्ज प्राप्त झाले. दोन्ही पदांसाठी प्रत्येकी एकच अर्ज आल्याने निवडणूक बिनविरोध पार पडली व त्यांच्या निवडीची अधिकृत घोषणा करण्यात आली.
याप्रसंगी स्वप्निल व्हट्टे, जि. प. पतसंस्थेचे सेवानिवृत्त नागनाथ देवसानी, दिनेश माने, रमेश शटगार, काशिनाथ बोकडे, मल्लमा पुजारी, पूजा पुजारी, जेट्यप्पा मोची, स्वप्निल भोसले, संजय गोटे तसेच संचालक उपस्थित होते. नूतन पदाधिकाऱ्यांच्या निवडीबद्दल उपस्थितांनी त्यांचे अभिनंदन केले. संस्थेच्या प्रगतीसाठी पारदर्शक व लोकाभिमुख कारभार करण्याचा संकल्प यावेळी व्यक्त करण्यात आला.
