सोलापूर : पोलिस आयुक्तालयाच्या शहर आस्थापनेवरील बॅन्ड पथकातील ६ जागांसाठीची पात्र ५१ उमेदवारांची लेखी परीक्षा सोमवारी होणार आहे. यासाठी घेण्यात आलेल्या कौशल्य चाचणीत २६३ पैकी २१२ उमेदवार हे अपात्र ठरले. यामुळे यात फक्त ५१ जणांना पात्र ठरविण्यात आले.
ही लेखी परीक्षा स्वामी विवेकानंद पब्लिक स्कूल, पोलिस मुख्यालय येथे होणार आहे. ही परीक्षा सकाळी अकरा वाजता सुरू होऊन १२:३० वाजता संपणार आहे. उमेदवारांनी सकाळी आठच्या सुमारास परीक्षा केंद्रावर पोहोचावे. उमेदवारांनी कोणतेही साहित्य आणण्याची आवश्यकता नाही. त्यांना आवश्यक सर्व साहित्य प्रशासनाकडून दिले जाणार आहे. उमेदवारांनी त्यांना दिलेले ओळखपत्र, २ फोटो, कॉल लेटर घेऊन यावे, असे आवाहन पोलिस आयुक्त एम. राजकुमार यांनी केले आहे
