श्री सिद्धेश्वर बाजार समितीच्या मासिक सभेत ४९ विषयांना मंजुरी

सोलापूर : श्री सिद्धेश्वर कृषी उत्पन्न बाजार समितीच्या प्रशासकीय भवनात सभापती दिलीप माने यांच्या अध्यक्षतेखाली शुक्रवार, दि. १४ रोजी मासिक सभा पार पडली. या बैठकीत बाजार समितीच्या कामकाजाशी संबंधित विविध विषयांवर सविस्तर चर्चा करण्यात आली. चर्चेनंतर एकूण ४९ विषयांना सभेने मंजुरी दिली. बाजार समितीच्या दैनंदिन प्रशासकीय कामकाजासह बाजार आवारातील विविध सुविधा, विकासकामे, व्यापारी व शेतकऱ्यांशी संबंधित बाबी तसेच अन्य प्रशासकीय विषय बैठकीत मांडण्यात आले. त्यावर सदस्यांनी चर्चा करून आवश्यक निर्णय घेतले.

बाजार समितीमध्ये शेतमाल विक्रीसाठी येणाऱ्या शेतकऱ्यांना अधिक चांगल्या सुविधा उपलब्ध करून देणे, बाजार आवारातील कामकाज सुरळीत ठेवणे आणि प्रशासकीय यंत्रणा अधिक प्रभावी करण्याबाबतही बैठकीत विचारविनिमय झाला. मंजूर झालेल्या ४९ विषयांवर बाजार समिती प्रशासनाकडून नियमानुसार पुढील कार्यवाही करण्यात येणार आहे. या निर्णयांमुळे बाजार समितीच्या आगामी कामकाजाला गती मिळण्याची अपेक्षा व्यक्त करण्यात आली.