विष्णुपंत कोठे जयंतीनिमित्त दिव्यांग विद्यार्थ्यांना शैक्षणिक साहित्याचे वाटप

मोहोळ (वा.) : प्रभात चॅरिटेबल ट्रस्ट, मोहोळ संचलित मूकबधिर निवासी शाळेत सोलापूरच्या राजकारणातील भीष्म पितामह व शिक्षणमहर्षी विष्णुपंत कोठे यांच्या जयंतीनिमित्त सामाजिक बांधिलकी जपणारा उपक्रम राबविण्यात आला. शिक्षणमहर्षी विष्णुपंत कोठे यांच्या स्मृतींना अभिवादन करताना त्यांचे नातू तथा सोलापूर ग्रीन मिशनचे अध्यक्ष डॉ. सूर्यप्रकाश कोठे यांच्या वतीने शाळेतील दिव्यांग विद्यार्थ्यांना स्पोर्ट्स ड्रेस, वह्या तसेच विविध शैक्षणिक साहित्याचे वाटप करण्यात आले.

नवीन साहित्य मिळाल्याने विद्यार्थ्यांच्या चेहऱ्यावर आनंदाचे हास्य फुलले. दिव्यांग विद्यार्थ्यांच्या शैक्षणिक गरजा लक्षात घेऊन राबविण्यात आलेल्या या उपक्रमाचे शाळा प्रशासन व स्थानिक नागरिकांनी कौतुक केले. यावेळी सोलापूर महानगरपालिका स्कूल बोर्डचे माजी अध्यक्ष वासुदेव इपलपल्ली, उद्योजक यलाप्पा गड्डम, संतोष सोमा यांच्यासह कोठे मित्रपरिवारातील अनेक मान्यवर उपस्थित होते. सामाजिक बांधिलकीच्या माध्यमातून शिक्षणाला हातभार लावण्याचा हा उपक्रम विद्यार्थ्यांसाठी प्रेरणादायी ठरला.