सोलापूर : भीम प्रतिष्ठान तर्फे महात्मा ज्योतिबा फुले आणि भारतरत्न डॉ. बाबासाहेब आंबेडकर यांच्या जयंतीचे औचित्य साधून भेट संविधानाची… या उपक्रमाअंतर्गत सोलापूर श्रमिक पत्रकार संघास संविधान प्रास्ताविका भेट देऊन या उपक्रमाची सुरुवात करण्यात आली. संस्थेचे संस्थापक दलितमित्र बाबा बाबरे , अध्यक्ष वीरेंद्र हिंगमिरे यांच्या हस्ते ज्येष्ठ पत्रकार अविनाश कुलकर्णी आणि श्रमिक पत्रकार संघाचे खजिनदार किरण बनसोडे यांना संविधान प्रास्ताविका सुपूर्द करण्यात आली.
यावेळी प्रतिष्ठानचे सचिव अकबर शेख, कार्याध्यक्ष सिद्धांत बाबरे आदी मान्यवरांची प्रमुख उपस्थिती होती. या उपक्रमांतर्गत भीम प्रतिष्ठान तर्फे शाळा, महाविद्यालये , शासकीय कार्यालये, महामंडळ कार्यालये, विविध सामाजिक संस्था आणि मंडळांना संविधानाची प्रास्ताविका संस्थेच्या मार्फत भेट देण्यात येत आहे. भेट दिल्यानंतर संविधानावर एक व्याख्यान विद्यार्थ्यांसाठी आयोजित करण्यात येणार आहे. विद्यार्थ्यांना शालेय जीवनामध्ये संविधानाची ओळख आणि संविधानाचे महत्त्व पटवून देण्यासाठी या उपक्रमाचे प्रामुख्याने सुरुवात केली आहे. कार्याध्यक्ष सिद्धांत बाबरे यांनी प्रास्ताविक करून आभार मानले.
याप्रसंगी सुनील धरणे , संयोजक अमित बाबरे, उपाध्यक्ष ॲड.विशाल मस्के, कायदेशीर सल्लागार ॲड.स्वाती मस्के आदींसह पदाधिकारी आणि पत्रकार उपस्थित होते.
