सोलापूर – ह भ प बाळकृष्ण अनंत इंगळे यांचा आदर्श सर्वांनी घ्यावा असे उद्गार गहिनीनाथ महाराज औसेकर यांनी काढले. बाळकृष्ण अनंत इंगळे यांच्या एकसष्टी निमित्त सत्कार समारंभाचे आयोजन केले होते, त्या कार्यक्रमा मध्ये ते बोलत होते. पुढे ते म्हणाले की,
” कुळी कन्या पुत्र होती जे सात्विक | ” या न्यायाने संतती सात्विक होणे व कर्तव्य परायण होणे हे भाग्याने घडते. जीवनात एकष्टी साजरी होणे गरजेचे आहेच पण परिवाराने साजरी करणे अत्यंत महत्त्वपूर्ण आहे. त्यामुळे मला आज या कार्यक्रमामध्ये उपस्थित असल्याचा खूप आनंद आहे. त्यांनी आपल्या दोन्ही मुलांना उच्च शिक्षित करून वारकरी संस्कारात आणले आहे.
या कार्यक्रमाचे अध्यक्ष नगरसेवक मनीष केत ( प्रदेश अध्यक्ष मराठी पत्रकार संघ ) हे होते व ह भ प विठ्ठल चवरे महाराज, ह भ प अनंत इंगळे महाराज, ह. भ. प सुधाकर महाराज इंगळे,ह भ प जोतिराम चांगभले महाराज, ह भ प बळीराम जांभळे, गणेश वानकर, महादेव गवळी, इ. प्रमुख अतिथी होते.या सर्वांचा सत्कार अक्षय इंगळे, आदर्श इंगळे, अरुणा ताटे यांनी केल. श्री संत मुक्ताई मंदिर येथे कार्यक्रम संपन्न झाला. आभार प्रदर्शन ह भ प आदर्श महाराज इंगळे यांनी मानले.
