अध्यक्षपदी दीपक वैद्य, तर उपाध्यक्षपदी इंद्रजीत पवार यांची निवड!
सोलापूर: सोलापूर जिल्हा परिषदेच्या रिक्त असलेल्या अध्यक्ष आणि उपाध्यक्ष पदाचा सस्पेन्स अखेर संपला आहे. आज पार पडलेल्या विशेष निवड प्रक्रियेत बार्शीचे दीपक वैद्य यांची सोलापूर जिल्हा परिषद अध्यक्षपदी, तर उत्तर सोलापूरचे इंद्रजीत पवार यांची उपाध्यक्षपदी अधिकृत निवड करण्यात आली आहे.भाजपचे जिल्हाध्यक्ष शशिकांत (नाना) चव्हाण यांच्या हस्ते नवनिर्वाचित अध्यक्ष आणि उपाध्यक्षांचा सत्कार करून त्यांना नियुक्तीचे पत्र प्रदान करण्यात आले.
या निवडीमुळे जिल्ह्याच्या राजकारणात भाजपची पकड पुन्हा एकदा घट्ट झाल्याचे पाहायला मिळत आहे.बार्शी तालुक्याचे नेतृत्व करणारे दीपक वैद्य यांच्याकडे जिल्ह्याच्या सर्वोच्च पदाची धुरा सोपवण्यात आली आहे. त्यांच्या निवडीमुळे बार्शीच्या कार्यकर्त्यांमध्ये मोठा उत्साह दिसून येत आहे.तर उत्तर सोलापूरचे तरुण आणि अभ्यासू नेतृत्व इंद्रजीत पवार यांच्याकडे उपाध्यक्षपदाची जबाबदारी सोपवण्यात आली आहे.यावेळी बोलताना भाजप जिल्हाध्यक्ष शशिकांत चव्हाण म्हणाले की, “दीपक वैद्य आणि इंद्रजीत पवार यांच्या निवडीमुळे जिल्हा परिषदेच्या माध्यमातून ग्रामीण भागाचा विकास अधिक वेगाने होईल. सर्वसामान्यांचे प्रश्न सोडवण्यासाठी हे दोन्ही नेते सक्षम असून, जिल्ह्याच्या विकासाला गती देणे हेच आमचे मुख्य उद्दिष्ट आहे.
“नवनिर्वाचित पदाधिकाऱ्यांचा संकल्पनवनियुक्त अध्यक्ष दीपक वैद्य आणि उपाध्यक्ष इंद्रजीत पवार यांनी पक्षाने दाखवलेल्या विश्वासाला तडा जाऊ न देता, जिल्ह्याच्या शेवटच्या घटकापर्यंत शासकीय योजना पोहोचवण्याचा आणि सर्वांना सोबत घेऊन काम करण्याचा मानस व्यक्त केला.या निवडीनंतर जिल्हाभरातून भाजप कार्यकर्त्यांनी जल्लोष केला असून, नवनिर्वाचित पदाधिकाऱ्यांवर अभिनंदनाचा वर्षाव होत आहे.
