सोलापूर, सोलापूरमधील वाढत्या उष्णतेचा परिणाम विमानसेवे वरही दिसून येत असून, स्टार एअरची सोलापूर मुंबई थेट विमानसेवा आता आठवड्यातून केवळ दोन दिवसच चालवली जाणार आहे. तापमानात वाढ झाल्यामुळे विमानाचा पेलोड (वाहून नेण्याची क्षमता) अपेक्षित प्रमाणात घेता येत नसल्याचे स्पष्टीकरण कंपनीकडून देण्यात आले आहे. यामुळे १ मेपासून ही सेवा फक्त मंगळवार आणि गुरुवार या दोनच दिवशी उपलब्ध राहणार असून, हा बदल ३१ मेपर्यंत लागू राहणार असल्याची माहिती कंपनीच्या वरिष्ठ अधिकाऱ्यांनी दिली आहे. स्टार एजरने सुरुवातीला ही सेवा आठवड्यातील चार दिवसांसाठी सुरू केली होती. त्यानंतर प्रवाशांच्या वाढत्या प्रतिसादामुळे काही काळ सेवा दररोज चालवण्यात आली. मात्र, मार्च महिन्यापासून पुन्हा चार दिवसांवर सेवा आणण्यात आली होती. आता उन्हाळ्याच्या तीव्रतेमुळे पुन्ता सेवा मर्यादित करण्यात आली आहे.
१ मेपासून सोलापूर-मुंबई विमानसेवा आता मंगळवार आणि गुरुवारच; उष्णतेमुळे घेतला निर्णय.
