मानद ‘कर्नल’ पदाचा सन्मान; कुलगुरू डॉ. महानवरांचा अभाविपकडून गौरव

सोलापूर : महाराष्ट्र एनसीसीकडून मानद ‘कर्नल’ पदाने सन्मानित करण्यात आलेले पुण्यश्लोक अहिल्यादेवी होळकर सोलापूर विद्यापीठाचे कुलगुरू डॉ. प्रकाश महानवर यांचा अखिल भारतीय विद्यार्थी परिषद (अभाविप), सोलापूर महानगराच्या वतीने सत्कार करण्यात आला अभाविपच्या पदाधिकाऱ्यांनी कुलगुरू डॉ. महानवर यांची सदिच्छा भेट घेत त्यांचे अभिनंदन केले. महाराष्ट्र एनसीसीकडून मिळालेला मानद ‘कर्नल’ हा सन्मान त्यांच्या शैक्षणिक व प्रशासकीय कार्याची दखल घेणारा गौरव असल्याचे यावेळी पदाधिकाऱ्यांनी सांगितले.

सोलापूर जिल्ह्याच्या दृष्टीने महत्त्वाच्या असलेल्या विद्यापीठाचा शैक्षणिक, संशोधनात्मक तसेच सर्वांगीण विकास अधिक गतिमान व्हावा आणि विद्यापीठाचा नावलौकिक राष्ट्रीय पातळीवर पोहोचावा, अशी अपेक्षा अभाविपच्या कार्यकर्त्यांनी व्यक्त केली. यावेळी अभाविपचे सोलापूर महानगर उपाध्यक्ष प्रा. श्रीनिवास भंडारी, महानगर मंत्री रविकांत चांभार, सहमंत्री श्रीपाद शेंडगे, नगर मंत्री मुकेश राठोड, कृष्णा गायकवाड यांच्यासह महानगरातील पदाधिकारी व कार्यकर्ते उपस्थित होते.