४ लाख ८२ हजारांचा मुद्देमाल जप्त; वडकबाळ शिवारातील कारवाई
सोलापूर : मंद्रुप पोलिस ठाण्याच्या हद्दीतील सोलापूर-विजापूर रोडवरील वडकबाळ गावच्या शिवारात विनापरवाना तसेच विविध नियमांचे उल्लंघन करून सुरू असलेल्या ‘आम्रपाली ऑर्केस्ट्रा बार’वर मंद्रुप पोलिसांनी छापा टाकून कारवाई केली. या कारवाईत १० पुरुष, चार महिला अशा एकूण १४ जणांविरुद्ध गुन्हा दाखल करण्यात आला आहे.
पोलीस निरीक्षक शंकर पटवारी यांना सदर ऑर्केस्ट्रा बार विनापरवाना सुरू असल्याची गोपनीय माहिती मिळाली होती. त्यानुसार वरिष्ठ अधिकाऱ्यांच्या मार्गदर्शनाखाली पोलिस पथकाने छापा टाकला. कारवाईदरम्यान ऑर्केस्ट्रा बारमधील साहित्य, मोटारसायकल आणि रोख रक्कम असा एकूण ४ लाख ८२ हजार रुपये किमतीचा मुद्देमाल जप्त करण्यात आला. या प्रकरणी मंद्रुप पोलिस ठाण्यात गुन्हा रजिस्टर क्रमांक ३३१/२०२६, भारतीय न्याय संहिता कलम २९६, ३(५) व इतर संबंधित कलमान्वये गुन्हा दाखल करण्यात आला आहे.
या कारवाईत सुप्रिया कुमार मोदल (वय १९, पश्चिम बंगाल), नेहा सिंकदर मलीक (वय २४, कोलकाता), राक्षी दिपककुमार संधा (वय २०, सध्या सोरेगाव), रूबी किशोरी पटेल (वय २३, सध्या सोरेगाव), बार चालक मनोज माधव पाटील (सोलापूर), तसेच ग्राहक अमर अशोक तोडकर, विरेश बसवराज शेट्टर, परमानंद उदयकुमार पोतदार, बसवराज शांताप्पा कुंटोजी, शांताप्पा साहेबांना हदगल, सोमय्या बसय्या मठपती, महमंद हिदायतुला माशाळकर, उमरफारूक अब्दुललतीफ बगली आणि कामगार रियाज हारून आवटे यांच्याविरुद्ध गुन्हा दाखल करण्यात आला आहे.
ही कारवाई पोलीस अधीक्षक अतुल कुलकर्णी, अपर पोलीस अधीक्षक विजय कबाडे, अपर पोलीस अधीक्षक प्रेरणा कट्टे आणि उपविभागीय पोलीस अधिकारी सूरज जगताप यांच्या मार्गदर्शनाखाली पोलीस निरीक्षक शंकर पटवारी, पोलीस उपनिरीक्षक राज डांगे, श्रेपोसई चंद्रकांत कदम, पोलीस हवालदार श्रीराम आदलिंग, उत्तम सासवे, सिंकदर मुल्ला, अश्पाक मियावाले, बिरण्णा वाघमोडे, महिला पोलीस अंमलदार पूजा काळे, विद्या कांबळे व नानासाहेब अवघडे यांच्या पथकाने केली.
