विक्रमी ठरावांमुळे ; महापौर कोंड्यालांचा आमदार कोठेंकडून सत्कार

सोलापूर : सोलापूर महानगरपालिकेच्या इतिहासात प्रथमच एकाच सर्वसाधारण सभेत तब्बल १८० हून अधिक ठराव मंजूर करून विक्रम नोंदवल्याबद्दल आमदार देवेंद्र कोठे यांनी महापौर विनायक कोंड्याल यांचा शाल व पुष्पगुच्छ देऊन सत्कार केला.

सोमवारी झालेल्या सर्वसाधारण सभेच्या अजेंड्यावर विक्रमी १८० हून अधिक विषय होते. महापौर विनायक कोंड्याल यांनी नियोजनबद्ध पद्धतीने सभा चालवत प्रत्येक सदस्याला आपले मत मांडण्याची संधी दिली. अनावश्यक वेळ न दवडता सर्व विषयांवर चर्चा घडवून आणत त्यांनी ठरावांना मंजुरी दिली. तसेच नगरसेवकांनी उपस्थित केलेल्या प्रश्नांनाही समाधानकारक उत्तरे देत सभागृहाचे प्रभावी संचालन केले.

महापौरांच्या संयमी, अभ्यासू आणि वेळेचे नियोजन करणाऱ्या कार्यशैलीचे सभागृहातील सदस्यांनी कौतुक केले. सर्वसाधारण सभा संपल्यानंतर आमदार देवेंद्र कोठे यांनी महापौर कोंड्याल यांचा सत्कार करून त्यांच्या कामगिरीचे अभिनंदन केले. यावेळी माजी महापौर श्रीकांचना यन्नम, नगरसेवक विनोद भोसले, प्रशांत पल्ली, सिद्धेश्वर कमटम, विजय चिप्पा, अक्षय अंजिखाने, मंडल अध्यक्ष नागेश सरगम, दीपक राजगे आदी मान्यवर उपस्थित होते