सोलापूर, संगमेश्वर देवस्थान परिसर सुधारणा समिती व संगमेश्वर भक्त मंडळ यांच्यावतीने हत्तरसंग कुडल संगम, दक्षिण सोलापूर येथे म हाशिवरात्रीनिमित्त रविवारी दि. १५ फेब्रुवारी रोजी सायंकाळी सव्वा वाजता संगम आरती आयोजित करण्यात आली आहे. काशीच्या धर्तीवर ही संगम आरती होत असून, भीमा व सीना या दोन्ही नद्यांच्या संगमावरील संगम घाटावर ही आरती होणार आहे. यंदा संगम आरतीचे सातवे वर्ष आहे.
नद्यांची कृतज्ञता व्यक्त करण्यासाठी या आरतीचे आयोजन करण्यात येते. तसेच दीपोत्सव होणार आहे. विविध कार्यक्रमांचे आयोजन करण्यात आले आहे. रविवारी पहाटे ६ वाजता संगमनाथ लिंगास महाभिषेक करण्यात येणार आहे. त्यानंतर सकाळी ८ वाजल्यापासून जगातील एकमेव बहुम खी शिवलिंगास निरंतर अभिषेक करण्यात येणार आहे. येथे एकदा अभिषेक केल्यास भक्तास वर्षभर अभिषेक केल्याचे पुण्य मिळते. दिवसभर भक्तांना निरंतर फराळाची व्यवस्था करण्यात आली आहे. तसेच भजन होणार आहे. श्री संगमेश्वर भजन मंडळ व पंचक्रोशीतील गायक आपली सेवा संगम नाथाच्या चरणी अर्पण करतात. शिवरात्रीच्या रात्री जागरणाचे खूप महत्व आहे. संगमनाथ व परिसरातील सर्व देवतांची ५ वेळा पूजा व आरती होणार आहे. भाविकांनी या कार्यक्रमांचा लाभ घ्यावा असे आवाहन संगमेश्वर देवस्थान परिसर सुधारणा समिती व संगमेश्वर भक्त मंडळ यांनी केला आहे
