सोलापूर, अंत्रोळीकर नगरातील घर फोडून १४ लाखांचे सोन्याचे दागिने लंपास करणाऱ्या एका चोरट्यास अटक करून त्याच्याकडून चोरलेले सर्व दागिने हस्तगत केल्याची माहिती पोलीस आयुक्त एम. राज कुमार यांनी पत्रकार परिषदेत दिली. अंकित ऊर्फ अंकुश लक्ष्मण वाल्मीकी (वय ३४, रा. जुना बाजार खडकी, पुणे सध्या रा. अंबिकानगर, पारशी विहिरीजवळ, सोलापूर) यास अटक करण्यात आली. वाल्मीकी याने एका अल्पवयीन मुलासह अंत्रोळीकर नगरातून घरातून सोन्याचे दागिने लंपास केले होते. याप्रकरणी रवी प्रकाश दौलताबाद (नाय ४४) यांनी विजापूर नाका पोलिसातफिर्याद दिली होती. रवी आणि त्यांच्या आई असे दोघे हैदराबाद येथे लग्नकार्यासाठी गेले होते. तेव्हापासून ते तेथेच राहत होते. ते ४ फेब्रुवारी रोजी दुपारी अंत्रोळीकर नगर येथील घरी आल्यानंतर त्यांच्या घरातील साहित्य अस्ताव्यस्त पडलेले त्यांना दिसून आले. त्यांना बेडरूममधील कपाटात ठेवलेले १८.५ तोळ्याचे अंदाजे १४ लाख रुपये किमतीचे दागिने चोरीला गेले होते.
पोलिसांनी अंत्रोळीकर नगर परिसरातील सीसीटीव्ही फुटेजची तपासणी करून तांत्रिक माहितीच्या आधारे आरोपी वाल्मीकी व त्याच्या अल्पवयीन मुलाला ताब्यात घेऊन या चोरीचा शोध लावावा. पोलिसांनी या दोघांकडून चोरीस गेलेले सुमारे १४ लाखांचे दागिने हस्तगत केले आहेत.
ही कारवाई पोलीस आयुक्त एम. राज कुमार, पोलीस उपायुक्त विजय कबाडे, सहायक पोलीस आयुक्त दिलीप पवार, वरिष्ठ पोलीस निरीक्षक दादासाहेब गायकवाड, सुशांत वराळे, सहायक पोलीस निरीक्षक शीतलकुमार गायकवाड, सहायक फौजदार आप्पा पवार, पोलीस अंमलदार सचिन हार, अजय परदेशी, गणेश शिर्के, लक्ष्मीकांत फुटाणे, समाधान मारकड आदींनी केली.
