‘कामाचा ताण’ की काही वेगळे? सिव्हिलच्या अधीक्षकांचा राजीनामा..?

बनावट दिव्यांग प्रमाणपत्र प्रकरणानंतर घडामोडींना वेग; नव्या अधीक्षकांच्या नियुक्तीची प्रक्रिया सुरू

सोलापूर : छत्रपती शिवाजी महाराज शासकीय रुग्णालयाचे यांनी आपल्या पदाचा राजीनामा दिल्याने सिव्हिल रुग्णालयातील प्रशासकीय वर्तुळात खळबळ उडाली आहे. त्यांनी कामाचा वाढता ताण हे राजीनाम्याचे कारण नमूद केले असले, तरी अलीकडेच उघडकीस आलेल्या बनावट दिव्यांग प्रमाणपत्र प्रकरणाच्या पार्श्वभूमीवर या निर्णयाची विविध स्तरांवर चर्चा रंगली आहे.

डॉ. तोडकर यांच्याकडे वैद्यकीय अधीक्षक पदाचा अतिरिक्त कार्यभार होता. दोन दिवसांपूर्वी त्यांनी अधिष्ठाता डॉ. ऋत्विक जयकर यांच्याकडे राजीनामा सादर केल्याची माहिती सूत्रांनी दिली. सिव्हिल रुग्णालयातून बनावट दिव्यांग प्रमाणपत्रे दिल्याचा प्रकार समोर आल्यानंतर रुग्णालय प्रशासनावर प्रश्नचिन्ह निर्माण झाले होते. अशा परिस्थितीत आलेला हा राजीनामा अनेक तर्क-वितर्कांना कारणीभूत ठरत आहे.

दरम्यान, अधिष्ठाता डॉ. ऋत्विक जयकर यांनी वैद्यकीय अधीक्षक पदासाठी इच्छुक पात्र अधिकाऱ्यांकडून अर्ज मागविले आहेत. अर्जांची छाननी पूर्ण झाल्यानंतर नियमानुसार नव्या वैद्यकीय अधीक्षकाची नियुक्ती केली जाणार असल्याचे त्यांनी स्पष्ट केले. त्यामुळे सिव्हिल रुग्णालयाच्या प्रशासनात लवकरच महत्त्वाचे बदल होण्याची शक्यता व्यक्त केली जात आहे.