शिक्षणाधिकारी पदाचा अतिरिक्त पदभार सांभाळताना वैयक्तिक मान्यतांवर झाले होते आरोप; तीन वर्षांनंतर सोलापूर झेडपीतून प्रतिनियुक्ती
सोलापूर : सोलापूर जिल्हा परिषदेच्या सामान्य प्रशासन विभागाच्या उपमुख्य कार्यकारी अधिकारी स्मिता पाटील यांची कोल्हापूर येथे प्रतिनियुक्तीवर बाल विकास प्रकल्प अधिकारी (नागरी) या पदावर बदली करण्यात आली आहे. मंगळवारी त्यांनी सोलापूर जिल्हा परिषदेत उपमुख्य कार्यकारी अधिकारी म्हणून तीन वर्षांचा कार्यकाळ पूर्ण केला.
स्मिता पाटील यांचे पती धैर्यशील पाटील हे कोल्हापूर येथे वन विभागात वरिष्ठ पदावर कार्यरत आहेत. पती-पत्नी एकत्रीकरण धोरणानुसार त्यांची ही बदली करण्यात आल्याची माहिती आहे. सोलापूर जिल्हा परिषदेतील त्यांच्या बदलीनंतर आता त्यांच्या जागी कोणाची नियुक्ती होणार, तसेच सामान्य प्रशासन विभागाचा कारभार कोणाकडे सोपविला जाणार, याकडे जिल्हा परिषदेतील अधिकारी व कर्मचाऱ्यांचे लक्ष लागले आहे.
